Policia identifikon një lokal në Skenderaj ku organizohej bixhoz i paligjshëm
15.9.2022 - 10:24
Policia e Kosovës njofton se hetuesit e Sektorit Rajonal të Hetimeve, kanë identifikuar një lokal në Skenderaj, ku ushtrohej veprimtari e lojërave të fatit.
Sipas Policisë, lidhur me rastin në cilësi të të dyshuarit është intervistuar një person i cili më pas është liruar në procedurë të rregullt.
Në orët e mbrëmjes se datës 14 shtator 2022, në lokalin ku dyshohej për veprimtari të kundërligjshme “Organizim i skemave piramidale dhe bixhozit të paligjshëm”, Pollicia ka sekuestruar disa pajisje në cilësi të provave materiale.
“ Janë sekuestruar, 6 televizorë, 7 monitor, 7 shtëpiza të kompjuterit, 3 printera, 2 lexues të tiketave dhe gjësende të tjera që mund të shërbejnë si dëshmi për rastin në fjalë”, njofton Policia.