
Ilustrim: Policia kontrollë, Foto: KALLXO.com
Policia i gjen pushkën e gjuetisë një personi në veturë
19.1.2025 - 11:09
Një pushkë gjuetie me nëntë fishekë është gjetur brenda një veture e cila është kontrolluar nga policia.
Më 18.01.2025, një njësi policore kishte ndaluar një veturë në fshatin Drelaj në Pejë. Gjatë kontrollit, është gjetur dhe sekuestruar një armë, pushkë gjuetie me 9 fishekë.
Sipas personit që voziste veturën e ndaluar nga policia, pushka kishte në emër të vëllait të të dyshuarit.
E më pas policia arriti që të siguroj edhe se leja për posedim të armës i kishte skaduar.
Për rastin është njoftuar edhe prokurori kujdestar. Me vendim të këtij të fundit është iniciuar rasti si armëmbajtje pa leje ndërsa i dyshuari është liruar në procedurë të rregullt.