Policia gjobitë për kundërvajtje në trafik dy shoferë në Gjilan

Policia e Kosovës ka njoftuar se ka gjobitur  dy shoferë dhe të njëjtëve ua ka konfiskuar patentë-shoferët për tre muaj.

Në njërin rast, sipas organeve të rendit shoferi ka vozitur në shpejtësi 93 km/h në rrugën në të cilën është lejuar shpejtësia 40 km/h.

Shoferi është dënuar me gjobë prej 300 euro dhe i janë shqiptuar nga policia 3 pikë negative.

Ndërsa, në rastin tjetër shoferi është dënuar për tejkalim në vijë të plotë dhe është dënuar me 150 euro gjobë dhe 2 pikë negative.

Të dyja rastet sipas PK-së, kanë ndodhur në Gjilan.