Policia gjobit një të huaj me 400 euro për tejkalim të rrezikshëm në rrugën Ferizaj-Viti

Policia ka bërë të ditur se ka gjobitur me 400 euro një shtetas të huaj për tejkalim të rrezikshëm në rrugën Ferizaj- Viti.

Sipas Policisë, shtetasi i huaj B.K., i moshës 21-vjeçar, me veturën e tij ka bërë tejkalim në vijë të plotë, duke rrezikuar veten dhe pjesëmarrësit e tjerë në komunikacion.

“Ndaj tij policia i shqiptoi një gjobë për kundërvajtje sipas ligjit të komunikacionit rrugor, me dënim 400 euro, gjobë e cila me pëlqimin e palës iu shqiptua edhe për pikët negative dhe masën mbrojtëse, ashtu siç parashihet për shtetasit e huaj”- thuhet në njoftimin e Policisë.

Policia apelon të pjesëmarrësit në komunikacion që të respektojnë rregullat e trafikut dhe të mos të bëjnë tejkalime në vijë të plotë.

Veprimet e tilla, sipas Policisë, rrezikojnë jetën e pjesëmarrësve në komunikacion.