Policia gjen shoferin që shkaktoi aksident dhe iku nga vendi i ngjarjes
12.1.2022 - 19:16
Zyrtarët e njësive të komunikacionit rrugor të Prizrenit kanë arritur ta identifikojnë dhe ndalojnë shoferin që kishte shkaktuar aksident me veturë dhe kishte ikur nga vendi i ngjarjes.
Aksidenti me lëndime ka ndodhur në fshatin Duhël të Suharekës.
Sipas hetimeve të para automjeti ka qenë me targa gjermane dhe i çlajmëruar dhe nuk ishte i zhdoganuar.
Automjeti është sekuestruar sot dhe është dorëzuar në terminalin doganor në Prizren.
Rasti është nën hetime kurse drejtuesi i automjetit është liruar në procedurë të rregullt.