Policia arreston një të dyshuar në Leposaviq, u kap me pushkë gjuetie dhe municion

Policia e Kosovës ka njoftuar se kanë arrestuar një person të dyshuar në të cilin në pjesën malore të një fshati të Leposaviqit, kanë hasur në një person të dyshuar me një pushkë gjuetie me municion.

Policia tha se kanë hasur tek i dyshuari gjatë realizimit të detyrave dhe autorizimeve policore për të ofruar rend e siguri.

Në njoftim u theksua se nën dyshimin e bazuar se tek personi i dyshuar R.M., 48 – vjeçar posedon edhe armë tjera, është kontrolluar shtëpia e tij.

Sipas PK-së gjatë kontrollit janë gjetur edhe një armë gjysmë-automatike, një pushkë 8.75mm, një pushkë ajrore, fishekë kalibrash të ndryshëm, disa thika e një xhaketë me pajisje tjera ushtarake.

Policia tregoi se për rastin është njoftuar prokurori, me akt-vendim të të cilit i dyshuari është dërguar në mbajtje deri në 48 orë.