Foto: PK.
Policia arreston një person në Skenderaj, ia konfiskon revolen me 6 fishekë
Policia ka bërë të ditur se ka arrestuar sot një person të cilit ia ka konfiskuar edhe një revole me 6 fishekë në Skenderaj.
Sipas policisë, arrestimi i të dyshuarit është bërë pas një denoncimi të bërë ndaj tij nga një qytetar.
“Konfiskimi i armës është realizuar si rezultat i veprimeve hetimore, ku fillimisht nga ana e ankuesit ishte raportuar një rast me elemente të veprës penale të kanosjes. Pas identifikimit dhe arrestimit nga i dyshuari është konfiskuar një armë e llojit pistoletë me gjashtë fishekë ”-thuhet një njoftim.
I dyshuari pas intervistimit të dyshuarit i është caktuar masa e ndalimit për 48 orë.
Ndaj tij, sipas policisë është iniciuar rast për hetim për veprat penale ” Kanosje ” dhe “Mbajtje ne pronësi, posedim, kontroll te paautorizuar të armës”.