Policia arreston katër persona të kërkuar nga aksioni për kontrabandë
Policia e Kosovës ka njoftuar se ka arrestuar katër persona të cilit ishin në kërkim pas operacionit kundër krimit të organizuar dhe kontrabandës me mallra, të datës 13 tetor në rajonin e Prishtinës, Pejës, Mitrovicës Jugu dhe Mitrovicës Veri.
Tre nga të dyshuarit pas intervistimit janë dërguar në mbajtje ndërsa njëri nga ta është liruar në procedurë të rregullt me urdhër të prokurorit.
Policia e Kosovës dhe Dogana e Kosovës kishin ndërmarrë operacion kundër kontrabandës së mallrave në Prishtinë, Pejë, Mitrovicë të Jugut dhe Mitrovicë të Veriut më 13 tetor. Në Mitrovicë të Veriut njësitë e Policisë dhe të Doganës janë përballur me protesta të dhunshme të banorëve serbë.
Rreth 10 policë kishin mbetur të lënduar si shkak i hedhjës së bombolave të gazit.
Qytetarët serbë kishin sulmuar edhe ekipe të gazetarëve.
Policia e Kosovës kishte shpallur në kërkim disa persona të dyshuar rreth këtij operacioni.
FOTO – Largohet barrikada në Mitrovicën e Veriut