Policia arreston dy persona për kanosje me armë në Pejë

Policia e Kosovës ka arrestuar dy persona nën dyshimin për kanosje dhe armëmbajtje pa leje në Pejë.

Të arrestuarit dyshohen se më datë 30.07.2024 në fshatin Nakell-Pejё, kanë kanosur një person me armë, i cili më pas kishte paraqitur rastin në policinë e Pejës.

“Njësitet relevante tё Stacionit Policor nё Pejё, menjëherë kanё shkuar ne vendin e ngjarjes, gjatё bisedёs me ankuesin, i njëjti deklaron se deri sa ishte fjalosur me njërin nga tё dyshuarit, atëherë ka ardhur edhe i dyshuari tjetёr dhe i njëjti e kanos me armë ankuesin, dhe ёshtё larguar nga vendi i ngjarjes” – thuhet në njoftimin e policisë.

Gjatë bastisjes së shtëpisë së të dyshuarve policia ka gjetur dhe ka konfiskuar një pushkё ajrore “Flloberg”, kalibri  4.5 mm.

Sipas policisë, njёri nga tё dyshuarit është dërguar nё mbajtje për 48- orё, ndёrsa i dyshuari tjetёr është liruar nё procedurë tё rregullt.