Policët e suspenduar në rastin e vrasjes së Hamide Magashit kthehen në punë
Hamide Magashi kishte mbetur e vrarë mbrëmjen e 30 nëntorit të vitit të kaluar nga bashkëshorti i saj Sokol Halili, në oborrin e QKUK-së.
Bashkëshorti i viktimës kishte kryer vetëvrasje, 2 orë para njoftimit nga prokuroria se ishin marrë masat e nevojshme hetimore për sigurimin e të njëjtit në procedurë.
Ndaj 35 vjeçares kishte pasur një udhërmbrojtje dhe për zbatimin e tij kishte qenë i ngarkuar Stacioni policor në Shtime dhe Lipjan.
Katër zyrtarë policorë nga Stacioni Policor i Lipjanit ishin suspenduar lidhur me këto veprime hetimore.
Kallxo.com mëson se zyrtarët në fjalë janë kthyer në vendin e tyre të punës.
Ata kishin qëndruar nën masën e suspendimit për 122 ditë.
Inspektorati i Policisë së Kosovës ka bërë të ditur për Kallxo.com se ndaj 3 zyrtarëve, rreshterit dhe dy hetuesve është dorëzuar kallëzim penal në Prokurorinë Themelorë të Prishtinës më 17 mars 2023.
Kurse, ndaj komandantit të Stacionit Policor – Lipjan Inspektorati ka bërë kërkesë për inicim të procedurës Disiplinore në Drejtorinë për Hetime të Brendshme.
Sipas IPK-së ndaj të njëjtëve ekziston dyshimi i bazuar për keqpërdorimin e detyrës apo autoritetit zyrtar.
Njoftimin për ndërprerjen e masës së suspendimit e kishte dhënë Drejtori i Përgjithshëm i Policisë më 4 prill, njofton Inspektorati.
“Suspendimi në interes të hetimit të Inspektoratit Policor ka përfunduar me dorëzimin e kallëzimit penal” – thuhet në njoftimin e Inspektoratit.
Por plotësimi i formularit ka ndodhur pasi Hamide Magashi ishte vrarë nga bashkëshorti i saj.
Këta formularë ishin shkruar nga hetuesit por nuk janë nënshkruar nga viktima pasi që kanë qenë të falsifikuara dhe të njëjtit asnjëherë nuk kanë qenë te e njëjta.
KALLXO.com kishte raportuar se komandanti i Stacionit Policor në Lipjan, Naser Sinani, një rreshter dhe dy hetues policorë ishin suspenduar nën dyshimet për keqpërdorim të detyrës zyrtare dhe falsifikim të dokumentit zyrtar.
Kallxo.com i është drejtuar edhe Prokurorisë me pyetje lidhur me atë se në çfarë faze qëndron procedura aktualisht, por deri ne publikimin e këtij shkrimi nuk ka kthyer përgjigje.
Raportimet e KALLXO.com lidhur em këtë rast mund t`i lexoni duke klikuar në LINK