“Plisat” e përkrahin ekipin e zemrës nga jashtë stadiumit - VIDEO
02.6.2020 - 18:55
Futbolli në Kosovë ka rinisur me ndeshjen Prishtina – Drenica, e cila luhet në kuadër të gjysmëfinales së Kupës së Kosovës.
Për shkak të masave parandaluese ndaj coronavirusit, ndeshjet në futbollin kosovar do të luhen pa praninë e tifozëve.
Por, tifozët e Prishtinës – “Plisat” kanë gjetur një mënyrë që ta përkrahin ekipin e tyre.
Plisat janë duke e mbështetur Prishtinën nga Pallati i Rinisë dhe Sporteve me këngë.
KALLXO.com sjell pamje nga përkrahja që ata po i japin klubit të tyre të zemrës nga jashtë stadiumit “Fadil Vokrri”.