Plagosje në Podujevë, policia arreston një person 

Nën dyshimin se ka plagosur aksidentalisht një person tjetër, policia ka arrestuar një të dyshuar në Podujevë në orët e hershme të mëngjesit të datës 30.08.2024.

I dyshuari sipas policisë me armë zjarri dyshohet se kreu veprën penale ndërsa viktima ka pranuar tretman mjekësor në Qendrën Klinike Universitare të Kosovës. 

Rasti është cilësuar si lëndim i rëndë trupor dhe përdorim i armës. 

Tutje sic ka njoftuar policia, njësitet relevante kanë dalë në vendin e ngjarjes dhe kanë gjetur e konfiskuar një pistoletë me 24 copë fishekë.