Plagoset një person para një klubi të natës në Graçanicë, ende nuk ka të arrestuar
03.10.2022 - 10:42
Në një hapësirë para një klubi të natës në Graçanicë është plagosur një person me armë zjarri.
Policia e Kosovës ka njoftuar se ngjarja ka ndodhur më 1 tetor 2022, rreth orës 22:50.
Sipas njoftimit, viktima është dërguar për trajtim mjekësor dhe ai sipas raportit mjekësor, është jashtë rrezikut për jetë.
“Raportohet se në rrethana të panjohura, në një hapësirë para një lokali – diskotekë, është plagosur me armë zjarri viktima” – thuhet në raportin e Policisë.
Tutje është thënë se nuk është raportuar për të arrestuar dhe se rasti është nën hetime.