Plagoset një person me thikë në Prishtinë
03.12.2021 - 20:45
Një person është plagosur nga goditja me thikë pas një përleshje me fizike në mes të disa personave në lagjen “Dardania” në Prishtinë.
Sipas zëdhënëses së Policisë për rajonin e Prishtinës, Flora Ahmetit, ngjarja ka ndodhur sot rreth orës 19:30, ndërsa janë arrestuar dy persona.
“Bazuar në të dhënat fillestare, në këtë rast nga një mjet i mprehtë është plagosur një person. I njëjti është dërguar për trajtim mjekësor. Lidhur me këtë rast janë arrestuar dy persona të dyshuar, ndërkohë që hetuesit policor kanë nisur një hetim lidhur me rrethanat e këtij rasti”, ka thënë Ahmeti për KALLXO.com.