Plagoset me armë zjarri një person në Prishtinë

Një person është plagosur të premten pasdite, më 08.11.2024, në Hajvali të Prishtinës.

Flora Ahmeti, zëdhënëse e Policisë për Rajonin e Prishtinës, ka konfirmuar për KALLXO.com se rasti ka ndodhur rreth orës 15:00.

Në lidhje më këtë ngjarje Policia është në kërkim një personi të peronin me inicialet L.K..

“Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen. Bazuar në të dhënat fillestare dyshohet se me armë zjarri është plagosur një person”-ka thënë ajo.

“Hetuesit policor në koordinim me prokurorinë, po ndërmarrin  veprimet hetimore dhe lidhur me këtë rast i cili është cilësuar si vrasje në tentativë,  janë në kërkim të  personit të dyshuar L.K, mashkull”- ka thënë Ahmeti.

I plagosuri është dërguar për tretman mjekësor.