Pjesëtarët e FSK-së përfundojnë trajnimin trejavor "Simboli i Ujkut"
23.12.2020 - 12:59
Pas një trajnimi trejavor, pjesëtarët e njësive të Komandës së Forcave Tokësore kanë realizuar me sukses trajnimin “Simboli i Ujkut”.
Sipas një njoftimi për media, ata kanë demonstruar shkathtësitë e tyre taktike dhe të mbijetesës përmes testimeve fizike, ligjëratave, aktiviteteve sulmuese, repelimit sfidues, reagimit ndaj kontaktit , kalimit të pengesave ujore në ujin e akullt dhe operacionin final 72 orësh dhe 110 km marshim në këmbë me 30 kg pajisje ushtarake.
Tutje thuhet se “Simboli i Ujkut“ është njëri ndër trajnimet më të avancuara dhe sfiduesi për pjesëtarët e FSK-së. Aty kërkohet operim ekip me mbështetje dhe motivim të njëri tjetrit për të arritur përfundim të suksesshëm të trajnimit.