Pesë të vdekur, mbi 1 mijë e 600 raste të reja me COVID-19 në Shqipëri

Pesë të vdekur dhe 1,615 raste të reja me COVID-19, janë regjistruar në 24 orët e fundit në Shqipëri.

Ministria e Shëndetësisë në Shqipëri ka bërë të ditur se personat e vdekur janë nga 67 e deri në 94 vjeç. Tre persona që nuk i mbijetuan COVID-19 janë nga Tirana të moshave 67-79 vjeç, një 77-vjeçare nga Fieri dhe një 94-vjeçar nga Durrësi.

Numri më i madh i rasteve pozitive është regjistruar në: Tiranë me 719 raste, nga 65 qytetarë në Shkodër, Vlorë, 62 në Berat, 57 në Lushnje, nga 53 qytetarë në Fier, Durrës, 51 në Sarandë, 47 në Gjirokastër, 32 në Elbasan, 31 në Kurbin, 26 në Pogradec, nga 20 qytetarë në Kuçovë, Vorë, 18 në Dimal, 17 në Korçë, 16 në Kamëz, 15 në Lezhë, nga 14 qytetarë në Kavajë, Tepelenë, 13 në Mirditë, nga 12 qytetarë në Vau i Dejës, Patos, Mallakastër, nga 11 qytetarë në Gramsh, Skrapar, Përmet, Konispol, Krujë, 9 në Devoll, nga 8 qytetarë në Peqin, Memaliaj, Selenicë, nga 7 qytetarë në Divjakë, Delvinë, nga 6 qytetarë në Poliçan, Malësi e Madhe, nga 5 qytetarë në Shijak, Dibër, Mat, Kolonjë, nga 4 qytetarë në Librazhd, Himarë, Has, Pukë, nga 3 qytetarë në Kukës, Këlcyrë, Prrenjas, nga 2 qytetarë në Roskovec, Bulqizë, Tropojë, Fushë Arrëz, nga 1 qytetar në Klos, Libohovë, Maliq, Belsh.

Janë 22,214 pacientë aktivë me COVID-19 në të gjithë Shqipërinë.

Aktualisht në spitalet COVID po marrin trajtim 125 pacientë, nga të cilët, 7 janë në gjendje më të rënduar.

Janë shëruar 2564 qytetarë gjatë 24 orëve të fundit, duke e çuar numrin e të shëruarve në 230,193 që nga fillimi i epidemisë.