Pesë të arrestuar në rajonin e Pejës për gjuajtje me armë zjarri në ahengje familjare

Policia e Kosovës ka njoftuar se ka arrestuar pesë persona të dyshuar për gjuajtje me armë zjarri në ahengje familjare në Pejë dhe në Klinë gjatë fundjavës.

Sipas Policisë në këto raste kanë intervenuar ekipet e nevojshme policore ku janë gjetur dhe sekuestruar disa armë e disa gëzhoja plumbash.

Të dhënat e Policisë tregojnë se u sekuestruan katër armë, dy karikatorë armësh e 59 gëzhoja.

Sipas PK-së, katër persona të dyshuar pas intervistimit me vendim të prokurorit janë dërguar nё mbajtje për 48-orё, ndёrsa njёri nga tё dyshuarit lirohet nё procedurë të rregullt.