Pesë persona të lënduar në një aksident në Gllarevë të Klinës

Pesë persona janë lënduar në një aksident në fshatin Gllarevë të Komunës së Klinës. Aksidenti ka ndodhur në orën 5:45 të mëngjesit më 06.08.2024.

Në aksident kanë qenë të përfshira katër vetura.

Lajmin për KALLXO.com, e ka konfirmuar zëdhënësi i Policisë së Kosovës për rajonin e Pejës, Fadil Gashi.

“Në orën 5:45 të mëngjesit, Policia është njoftuar për një aksident në fshatin Gllarevë. Në aksident kanë qenë të përfshira katër automjete. Pesë persona kanë pësuar lëndime dhe kanë kërkuar tretman mjekësor” – tha Gashi

Zëdhënësi i Policisë shtoi se se të lënduarit janë jashtë rrezikut për jetën.

Hetuesit e Policisë thuhet se janë duke u marrë me rastin për të kuptuar shkaqet e këtij aksidenti.