Personi që ra në humnerë në Prevallë është një 24-vjeçar nga Kaçaniku
20.11.2021 - 20:43
Personi i cili është gjetur i vdekur sot në një humnerë në Prevallë është një 24-vjeçar nga Kaçaniku.
A.Gj është gjetur në humnerë, ndërsa ekipet e mjekësore kanë konstatuar vdekjen e tij.
Viktima është dërguar në Institutin e Mjekësisë Ligjore për obduksion në Prishtinë.
Sipas zëdhënësit të Policisë në rajonin e Prizrenit, Shaban Osmanollaj, personi i vdekur ka rënë në humnerë në Prevallë.
“Sot rreth orës 14:35 kemi pranuar informacionin se një person ka rënë në humnerë në Prevallë. Njësitet policore, njësia e emergjencës dhe zjarrfikësit kanë dalë në vendin e ngjarjes”, ka thënë Osmanollaj.
