Foto: Ilustrim
Personi i zhdukur gjendet i vdekur në zonë malore të Vushtrrisë
Një person është gjetur i vdekur në fshatin Skoqne të Vushtrrisë. I njëjti ishte raportuar i zhdukur nga familjarët e tij në shkurt të këtij viti.
Personi i vdekur është gjetur pasditen e sotme nga një qytetar, i cili ka lajmëruar Policinë e Kosovës.
Lajmin për KALLXO.com e ka konfirmuar Avni Zahiti, zëdhënësi i Policisë për rajonin e Mitrovicës.
“Në orët e pasdites së sotme Policia në Vushtrri ka pranuar informacion nga ana e një qytetari mashkull kosovar i cili ka informuar se në një zonë malore në fshatin Skoqne të Vushtrrisë, kishte hasur në një person të shtrirë. Njësitë relevante dhe ekipi mjekësor kanë dalë në vendin e ngjarjes ku është konstatuar vdekja e viktimës dhe është identifikuar nga familjarët trupi i pajetë”, ka thënë Zahiti.