Persona të panjohur shtien me armë zjarri afër një pompe derivatesh në Ferizaj
20.8.2022 - 10:47
Persona të panjohur kanë shtënë me armë zjarri afër një pompe derivatesh në rrugën e Reçakut në Ferizaj.
Njësitë relevante të policisë kanë dalë në vendin e ngjarjes ku kanë gjetur dhe sekuestruar një gëzhojë dhe një fishek të armës së zjarrit.
Në konsultim me prokurorin është iniciuar lënda e rastit dhe vazhdon të hetohet.
Personat që kanë shtënë me armë kanë shkaktuar rrezik të përgjithshëm.
Policia ka njoftuar se ngjarja ka ndodhur më 18 gusht rreth orës 23:05.