Ilustrim
Përleshje në Gjakovë, 4 të lënduar
13.7.2021 - 10:52
Një përleshje mes shtatë personave ka ndodhur në Gjakovë. Policia ka njoftuar se është përdorur edhe arma e zjarrit, ku për pasojë një person është plagosur.
“Si pasojë katër të dyshuar kanë pësuar lëndime trupore, tre prej tyre nga përleshja fizike, ndërsa një nga arma e zjarrit” thuhet në njoftimin e policisë.
Të lënduarit janë dërguar në spitalin e Gjakovës për tretman mjekësor.
Sipas Policisë në vendin e ngjarjes janë gjetur dhe konfiskuar gjashtë gëzhoja, dhe në veturën e njërit nga të dyshuarit është gjetur një armë zjarri me karikator të zbrazët.
“Pesë të dyshuar janë arrestuar, dy prej tyre dërgohen në mbajtje ndërsa tre janë në Spitalin e Gjakovës nën mbikëqyrje e policisë” njoftojnë forcat e rendit.