Përgatitet manual për nxënësit që do t'i rikthehen mësimit pas tërmetit në Shqipëri

Ministrja e Arsimit e Shqipërisë, Besa Shahini, ka njoftuar se është përgatitur një manual mbi “Ndihmën e Parë Psikologjike” për nxënësit të cilët do ta rifillojnë mësimin pas tërmetit të së martës që ka prekur Shqipërinë.

Shahini ka thënë se manuali i përgatitur nga Organizata Botërore e Shëndetësisë (OBSh) është përkthyer në kohë rekord nga “Social Lab Prishtina”.

Ministrja ka thënë se ky manual do të jetë mbështetje për shërbimin psiko-social të mësuesve dhe nxënësve që kanë nevojë.

Poashtu, Shahini ka thënë se manuali do të jetë mbështetje për përpjekjen në krijimin e ambienteve shkollore më të ngrohta dhe të sigurta për nxënësit që do të rikthehen në mësim.

Manualin mund ta lexoni KËTU.

Do NOT follow this link or you will be banned from the site!