Përfshihet nga zjarri një zonë malore në Marash të Prizrenit (FOTO)

Një zonë malore është përfshirë në Marash të Prizrenit.

Një qytetar ka dërguar disa fotografi në adresë të KALLXO.com, në të cilat shihet tymi që ka kapluar zonën malore.

Zëdhënësi i Policisë së Kosovës, Shaqir Bytyqi për KALLXO.com ka thënë se zjarrfikësit janë duke e shuar zjarrin, përderisa policia ka dalë në vendin e ngjarjes.

“Sapo na erdhi informacion se në dalje të Prizrenit, në vendin e quajtur Marash, në një zonë malore ka shpërthyer një zjarr. Zjarrfikësit janë duke  munduar që ta shuajnë. Policia ka dalë në vendngjarje gjithashtu”- ka njoftuar Bytyqi.