Përfshihet nga zjarri një shtëpi në Malishevë, lëndohet një person
03.5.2021 - 09:55
Dje, pas mesnate, zjarri e ka përfshirë një shtëpi në Malishevë.
Në Polici është raportuar se në të njëjtën shtëpi, në katin përdhese gjendet një furrë e bukës.
Përveç njësive policore në vendin e ngjarjes kanë dalë edhe zjarrfikësit, të cilët kane lokalizuar zjarrin.
Si pasojë e zjarrit që ishte përpjekur ta shuaj, lëndime trupore ka pësuar djali i pronarit të shtëpisë.
I njëjti ka pranuar tretman mjekësor.
Pronari ka thënë se shkaktar i zjarrit dyshohet të jetë oxhaku i furrës.
Sipas tij zjarri ka shkaktuar dëme të konsiderueshme.