Zjarrfikësit. Foto: Urim Krasniqi/KALLXO.com
Përfshihet nga zjarri një barnatore në kryeqytet
05.2.2022 - 16:35
Një barnatore në bulevardin ‘Dëshmorët e Kombit’ në Prishtinë është përfshirë nga zjarri sot rreth orës 13:30.
Policia ka njoftuar se nga ky incident nuk ka persona të lënduar.
Lajmin për KALLXO.com e ka konfirmuar zëdhënësja e Policisë për rajonin e Prishtinës, Flora Ahmeti.
“Njësitet relevante policore kanë dalë në vendin e ngjarjes. Janë njoftuar edhe ekipet e zjarrfikësve të cilët kanë lokalizuar zjarrin. Nga zjarri nuk ka persona të lënduar”, ka thënë ajo.
Ahmeti shtoi se Policia ka nisë një hetim për sqarimin e rrethanave që ndërlidhen me rastin.