Përditësohet renditja CS:GO: Bad News Eagles në top 20 ekipet më të mira në botë (LISTA)

Pas kalimit në Majorin e Parisit, ekipi shqiptar në CS:GO ka festuar një tjetër arritje.

Faqja e specializuar për CS:GO – HLTV.org ka përditësuar renditjen e re, pjesë e të cilës është edhe Bad News Eagles.

Sipas ueb faqes, ekipi ynë është ngritur për 11 pozita, që do të thotë se ata gjinden në vendin e 20-të ekipeve më të mira në botë.

Ata kanë grumbulluar plotë 166 pikë, për të rrëmbyer këtë pozicionim fantastik – derisa motivi i lojtarëve është tejet i madh.

Para pothuajse dy ditësh, Bad News Eagles fituan edhe ndeshjen ndaj GamerLegion me rezultat të përgjithshëm 2-1 me mapa, për të kaluar direkt në fazën ‘Legends Stage” – që është rekord historik për një ekip nga Ballkani. /Telegrafi