Arkiv - Pika kufitare e Vërmicës

Për dy orë nga Kosova në Shqipëri hyjnë 8 mijë qytetarë

Fundjava dhe nisja e pushimeve ka bërë që në pikën doganore të Morinës të ketë një fluks të madh automjetesh nga Kosova që hyjnë në Shqipëri dhe më pas për t’iu drejtuar bregdetit.

Mëngjesin e sotëm janë krijuar radhë të gjata automjetesh, ku nga ora 05:00 e mëngjesit deri në orën 07:00 kanë hyrë rreth 8 mijë persona nga Kosova drejt Shqipërisë.

Ky fluks i lartë ka bërë që pika doganore e Morinës të punojë me 6 sportele dhe me procedurë të përshpejtuar, pikërisht për të shmangur radhët në kufi.

Përveç makinave personale, vihet re edhe një numër i lartë i autobusëve, të cilët respektojnë kushtet dhe masat anticovid.

Edhe pse në vendin tonë rastet me të infektuar kanë arritur rekord ditën e djeshme, kjo nuk ka penguar kosovarët të udhëtojnë drejt Shqipërisë./RTK