Autoambulanca para objektit të Prokurorisë së Prishtinës (10.08.2022), Foto: KALLXO.com

Për 10 ditë u alivanosën 3 punëtore brenda objektit të Prokurorisë së Prishtinës

Sot janë alivanosur dy zyrtarë të Prokurorisë së Prishtinës.

Lajmin për KALLXO.com e ka konfirmuar administratorja e kësaj prokurorie, Feride Isufi.

Sipas Isufit, dyshohet se zyrtarët u alivanosën për shkak të temperaturave të larta.

Përveç kësaj, ajo tha se është gjendje alarmante dhe se temperatura në zyret e tyre është shumë e lartë.

“E kemi gjendjen alarmante, temperaturat janë shumë të larta, më së paku në zyre është 28 e lartë, ka ndodh që deri në 42 gradë kemi pasur temperaturë. Sot për momentin është 33.5“ – tha Isufi.

Tutje ajo tha se njëra nga zyrtaret e alivanosura ishte me probleme shëndetësore si dhe të dyja kishin marrë trajtim të nevojshëm mjekësor.

Është hera e dytë që brenda 10 ditëve autoambulanca është parë para Prokurorisë së Prishtinës.

Javën e kaluar është raportuar për alivanosjen e një puntoreje ku dyshohej se shkak ishte problemi me ajrosjen e objektit.