Pendohet Papa, pasi godet dorën e pelegrines

Papa Françesku nuk mundi të fshihte pakënaqësinë ndaj një vizitoreje në sheshin “Shën Pjetri” në prag të Vitit të Ri.

Ai po përshëndeste pelegrinët në një moment kur nga turma një grua i tërheq fort dorën. Në atë moment Papa Françesku godet dorën e pelegrines, ndërkohë truproja ndërhyn për të larguar dorën e pelegrines.

Papa pranoi se në atë moment humbi durimin.

“Të gjithëve na ndodh të humbim durimin. Më ndodhi edhe mua. Kërkoj ndjesë për shembullin që dhashë dje” u shpreh ai./ RTV21