Pejë, policia kap në flagrancë dy të rinj duke vjedhur në një market

Policia e Kosovës ka arrestuar një 26-vjeçar dhe një 22-vjeçar në qytetin e Pejës për vjedhje të rëndë.

Siç ka kanë njoftuar forcat e rendit, dy të rinjtë janë zënë në gjatë kohës sa ishin brenda marketit. Ndërsa, të njëjtit, sipas policisë ishin përsëritës të veprave të ngjashme penale.

“Në vendngjarje, njësitë relevante të Stacionit Policor Pejë kanë dalë dhe kanë takuar  sigurimin e objektit,  i cili i ka informuar policinë se brenda marketit gjenden dy persona. Menaxheri i marketit ka hapur derën e hyrjes dhe policia ka hyrë brenda ne market dhe ka arrestuar dy persona të dyshuar që  ishin maskuar” – thuhet në njoftim.

Të arrestuarit janë B. B. i lindur në vitin 1997 dhe A. S. i lindur në vitin 2001.

“Të dyshuarit janë intervistuar nga hetuesit dhe ata janë recidivistë të disa veprave penale “Vjedhje e rëndë” në qytetin e Pejës” – thuhet tutje në njfotim.

Pas intervistimit, me vendim tё Prokurorit tё shtetit, të dyshuarit janë dërguar në mbajtje pёr 48- orë.