Pejë, ia vjedhin veturën në oborr
01.11.2020 - 11:08
Një qytetare nga Peja ka raportuar në Polici se dikush ia ka vjedhur veturën, të cilën e kishte të parkuar në oborrin e shtëpisë.
Rasti është raportuar dje rreth orës 3:00 të mëngjesit ndërsa vjedhja ka ndodhur gjatë natës.
Vetura e vjedhur është e tipit “Audi A4”.
Sipas ankueses në veturë ka pasur dokumentet e veturës si dhe shumë dokumente të rëndësishme të familjes, si pasaporta të fëmijëve të saj të lëshuar në një shtet tjetër.
Rasti është nën hetime.