Pejë, dy raste të monedhave të falsifikuara
Dy raste të monedhave të falsifikuara janë raportuar dje në Pejë.
Në rastin e parë, që ka ndodhur rreth orës 14:20, ankuesi ka raportuar se një i dyshuar kishte hyrë në lokalin e tij – këmbimore dhe një shumë prej 2,500 dollarë në kartëmonedha të vlerës prej 50 dollarësh i kishte këmbyer në euro në vlerë prej 2,037 euro.
Viktima ka deklaruar se paratë i kishte verifikuar në aparatin-detektorin por nuk kanë rezultuar fals.
Mirëpo më vonë ka vërejtur se kartëmonedhat ishin të falsifikuara.
Rasti tjetër ka ndodhur 25 minuta më vonë. Ankuesi ka raportuar se një i dyshuar kishte hyrë në lokalin e tij – këmbimore dhe një shumë prej 2,500 dollarë në kartëmonedha të vlerës prej 50 dollarësh i kishte këmbyer në euro në vlerë prej 2,050 euro.
Viktima ka deklaruar se paratë i kishte verifikuar në aparatin-detektorin por nuk kanë rezultuar fals.
Mirëpo më vonë i ka vërejtur se kartëmonedhat ishin të falsifikuara.
Të dy rastet po hetohen.