Foto: Ilustrim
Pejë, dënohet mësuesi i akuzuar se sulmoi seksualisht nxënëset
Gjykata e Pejës e ka shpallur fajtor mësimdhënësin me iniciale B.V, i cili po akuzohet për sulm seksual ndaj dy nxënësve të mitura.
Të akuzuarit B.V. gjykata i ka shqiptuar dënim me burgim prej 3 vitesh.
Po ashtu, i është ndaluar ushtrimi i profesionit të mësimdhënësit për 5 vjet i cili dënim do të fillojë pasi i njëjti ta vuajë dënimin me burgim.
Gjykata ka gjetur se B.V. nga muaji shtator e deri më 14 nëntor 2018 duke qenë mësimdhënës, i ka prekur me qëllim seksual nxënëset në mënyrë të vazhdueshme duke shfryëzuar moshën e tyre të ndjeshme.
Gjykata thotë se mësimdhënsi fillimisht ka ngacmuar nxënëset me fjalë joshëse si ‘je e bukur’ ‘ pse i ke kap floket në këtë mënyrë’ e më pas i ka prekur në pjesë të ndryshme të trupit.
Po ashtu, Gjykata njoftoi se të akuzuarit B.V. i është ndërprerë edhe arresti shtëpiak derisa vendimi mbi dënimin të marrë formën e prerë.
Mbi këtë vendim të gjykatës, i dënuari B.V. ka të drejtë ankese në Gjykatën e Apelit.