Pejë - Babai raportoi tentim vrasjen ndaj djalit të tij, ky i fundit 'nga frika largohet nga Kosova'

Një burrë nga Peja të mërkurën ka raportuar se më 03.09.2024 në orën 03:00 të mëngjesit, persona të panjohur për motive të panjohura kanë shtënë me armë zjarri në drejtim të djalit të tij.

Policia njofton se, viktima, sipas ankuesit, ka pësuar lëndime, por tretman mjekësor nuk dihet nëse ka pranuar pasi sipas PK-së, ai nga frika ka rezervuar biletën e aeroplanit dhe është larguar.

Derisa, njësitet policore në vendin e ngjarjes kanë gjetur dhe konfiskuar 2-fishekë dhe 2 gëzhoja të kalibrit-7.62 mm. Kurse, viktima nuk ka qenë i qasshëm për njësitet policore për intervistim.

Tutje, policia potencon se lidhur me rastin është informuar e konsultuar edhe prokurori, ndërsa rasti është duke u hetuar si “vrasje në tentativë’.