Pejë, 94 gjoba për mosrespektim të masave anti-COVID-19

Policia e Kosovës ka shqiptuar 94 gjoba në 24 orët e fundit për qytetarët e rajonit të Pejës të cilët nuk respektuan masat anti-COVID-19.

“Zyrtarët policorë do të veprojnë dukë realizuar kontrollet në rrugë, në sheshe, në lokalet e gastronomisë, në qendrat tregtare dhe operatorë tjerë ekonomik, nëpër auto-taksitë, në transportin urban e ndër urban”, thuhet në njoftimin e Policisë.

Tutje Policia u ka bërë apel qytetarëve, institucioneve dhe bizneseve që të respektojnë vendimet e Qeverisë së Kosovës.

KALLXO.com ka raportuar vazhdimisht për aksionet e Policisë.

Vetëm gjatë 1 dhe 2 janarit në Prizren janë shqiptuar 21 gjoba në 11 lokale të ndryshme për arsye të njëjta si ato në Pejë.

Policia kishte njoftuar se vlera e këtyre gjobave të shqiptuara në Prizren është 200 euro është e mbështetur në Ligjin për parandalimin dhe luftimin e pandemisë COVID-19.