Pas raportimit të KALLXO.com pastrohet trotuari në Vushtrri
16.2.2021 - 13:56
Trotuari në rrugën, “Bedri Pejani” në Vushtrri tashmë është i kalueshëm.
KALLXO.com kishte raportuar ditë më parë se një pjesë e trotuarit në këtë rrugë ishte bllokuar si shkak i rrëshqitjes së dheut.
Por, rruga tashmë është pastruar pas raportimit të KALLXO.com.
Në fotografitë që qytetarët kanë dërguar në adresë të KALLXO.com shihet se tashmë rruga është liruar.
Drejtori për Urbanizëm në Komunën e Vushtrrisë, Berat Sadiku ka thënë për KALLXO.com se ata kanë pastruar trotuarin.
“Po, Komuna e ka pastru në bazë të kontratës për mirëmbajtjen e rrugëve. Ndonëse dheu ka rrëshqitur nga një pronë private, por komuna ka intervenuar me të marrë informatën”, ka thënë Sadiku.