Pas problemeve teknike, shitja e biletave Kosovë - Burkina Faso nis sot nga ora 13:00

Të gjithë tifozët të cilët dëshirojnë të shikojnë Kosovën kundër Burkina Fasos duhet të presin orën 13:00 për tu pajisur me një biletë.

Biletat duhet të ishin dal në shitje të hënën, mirëpo për shkak të disa problemeve teknike, shitja e tyre është shtyrë për ditën e sotme.

“Federata e Futbollit e Kosovës njofton opinionin se sot në orën 13:00, do të fillojë shitja e biletave për ndeshjen miqësore Kosova – Burkina Faso, e cila zhvillohet më 24 mars në stadiumin “Fadil Vokrri” në Prishtinë në orën 18:00” thuhet në njoftimin e FFK-së

Shitja e biletave për këtë ndeshje me karakter miqësor do të bëhet në mënyrë fizike në dy pika të shitjes së kompanisë Artmotion.