Pas Nju Jorkut, shfaqja e baletit “Tango Nights” vihet në skenë edhe në Prishtinë

Pas Nju Jorkut, shfaqja “Tango Nights” me koreografi të Chiara Ajkun shfaqet si premierë sot, më 03.09.2024, në Prishtinë.

Kjo shfaqje e Baletit Kombëtar të Kosovës (BKK) jepet në ora 20:00 në Amfiteatrin e Pallatit të Rinisë.

“’Tango Nights’, u shfaq si premierë në Nju Jork, në maj të këtij viti në bashkëpunim me trupën amerikane ‘Ajkun Ballet Company’ dhe e njëjta shfaqje, do të vihet në skenë edhe për publikun tonë”- thuhet në njoftimin e BKK-së.

Baleti “Tango Nights” do të shfaqet edhe nesër më 04.09.2024, në ora 20:00 në Amfiteatrin e Pallatit të Rinisë në Prishtinë.