Asambleja Komunale e Prizrenit
Partneri i Haskukës në qeverisje lëshon mbledhjen e Asamblesë
Asambleja Komunale e Prizrenit është duke mbajtur mbledhjen e jashtëzakonshme për të zgjedhur kryesuesin e saj.
Lidhja Demokratike e Kosovës ka lëshuar mbledhjen pas propozimit të shefit të grupit të asamblistëve.
Haziz Hodaj, shef i grupit parlamentar të LDK-së, si dhe partner në qeverisjen e Haskukës ka kërkuar të shtyhet mbledhja e asamblesë.
Kjo kërkesë sipas Hodaj ka ardhur pasi partnerët nuk kanë diskutuar rreth propozimit të kandidatit për të udhëhequr asamblenë.
Ndërkaq, shefi i asamblistëve të AAK-së, Ilir Baldedaj ka deklaruar se kjo parti do të qëndrojë në sallë por nuk do të marrë pjesë në votim.
Shefat e grupeve të tjera u shprehën të gatshëm të vazhdojnë me seancën e asamblesë.
Komuna e Prizrenit sot pritet të zgjedhë kryesuesin e ri të Kuvendit Komunal në një mbledhje të jashtëzakonshme të thirrur nga kryetari i komunës, Mytaher Haskuka.
Dorëheqja e kryesuesit të Asamblesë Komunale, Artan Abrashi, i cili është zgjedhur deputet në zgjedhjet e 6 tetorit, e ka lënë Asamblenë Komunale pa kryesues.
Nga muaji nëntor Asambleja Komunale nuk ka mbajtur asnjë mbledhje.
KALLXO.com është duke raportuar në vazhdimësi nga kjo mbledhje.
Kryetari i Asamblesë së Prizrenit fiton ulëse në Kuvend