Parregullsi në numërime, në Drenicë u hiqen votat kandidatëve të LDK-së
Lidhja Demokratike e Kosovës (LDK), më 6 tetor, në zgjedhjet e parakohshme parlamentare në komunën e Drenasit arriti t’i marr mbi 5% të votave, apo 1 mijë e 324 vota, ndërsa ajo doli si forca e dytë më e votuar në nivel vendi.
Në shkollën fillore “Rasim Kiçina” në qendër të Drenasit, përkatësisht në qendrën e votimit 0301E vendvotimi 01R, LDK mori 24 vota nga 381 sa ishin në total vota të vlefshme në këtë vendvotim.
Por, KALLXO.com zbuloi se në numërimin e votat e kandidatëve për deputetë nga LDK nuk ishin përshkruar në formularin e rezultateve të kandidatëve.
Në këtë formular kur ishin numëruar votat, asnjë kandidat i kësaj partie nuk kishte marr vota.
Por, ndryshe doli të jetë kur në këtë vendvotim u bë rinumërimi.
31 kandidatë për deputetë nga 110 sa ishin nga LDK, kishin marr vota në vendvotimin 0301E/01R.
Në tabelën e më poshtme janë renditur të gjithë kandidatet të cilët gjatë numërimit nuk kishin vota ndërsa gjatë rinumërimit kishin vota.
Në këtë shkollë, kur u numëruan votat kryesues ishte, Kujtim Sejda ndërsa anëtarë ishin, Fatime Kastrati, Teuta Haxhiu, Lulzim Rrukiqi dhe Arizona Ferizi.
Ndërkaq, në rinumërim të vendvotimit 0301E/01R ishin, Mevlide Osmani- Jahiri, kryesuese dhe anëtarët Ensar Fejziu, Qendresa Rizani, Mirlinda Mazreku dhe Driton Osmani.
Ndonëse në numërimin e votave kandidatja për kryeministre nga LDK, Vjosa Osmani nuk kishte asnjë votë, kur u rinumëruan ato ajo mori 19 vota.
Vota pas rinumërimit mori edhe kandidati për deputet i kësaj partie, Kujtim Gashi, 5 gjithsejtë, ndonëse në herën e parë të numërimit, ai nuk kishte marr fare vota në vendvotimin 0301E/01R.
Nga 5 vota pas rinumërimit morën edhe dy kandidatet për deputetë, Avdullah Hoti e Lumir Abdixhiku megjithëse ata në herën e parë kur u numëruan nuk kishin marr vota.
Ngjashëm kishte ndodhur edhe me 27 kandidatë të tjerë të LDK të cilëve iu shtuan votat pasi u rinumëruan ato në vendvotimin e 01R në shkollën “Rasim Kiçina” në Drenas.
| Emri i kandidatit | Numërimi | Rinumërimi |
| Vjosa Osmani | 000 | 019 |
| Kujtim Shala | 000 | 005 |
| Avdullah Hoti | 000 | 005 |
| Lumir Abdixhiku | 000 | 005 |
| Anton Quni | 000 | 007 |
| Lirije Kajtazi | 000 | 001 |
| Besian Mustafa | 000 | 003 |
| Doruntine Maloku- Kastrati | 000 | 001 |
| Ismet Beqiri | 000 | 001 |
| Valon Murtezaj | 000 | 006 |
| Arban Abrashi | 000 | 005 |
| Besa Gaxherri | 000 | 001 |
| Vlora Dumoshi | 000 | 002 |
| Florian Dushi | 000 | 001 |
| Fatmir Rexhepi | 000 | 001 |
| Muhamet Hamiti | 000 | 002 |
| Xhavit Rexhaj | 000 | 004 |
| Vlora Limani- Hajnuni | 000 | 001 |
| Flutura Beka- Kamberaj | 000 | 002 |
| Imet Rrahmani | 000 | 001 |
| Naser Rugova | 000 | 001 |
| Brikenda Kryeziu | 000 | 001 |
| Kumrije Sahiti | 000 | 001 |
| Ilir Tasholli | 000 | 002 |
| Brahim Selimaj | 000 | 004 |
| Kujtim Prekazi | 000 | 001 |
| Faik Zekaj | 000 | 001 |
| Haki Demolli | 000 | 004 |
| Marigona Geci | 000 | 003 |
| Fetah Rudi | 000 | 003 |
| Artan Gjokaj | 000 | 002 |
KALLXO.com do të vazhdoj publikimin e të gjitha numërimeve dhe rinumërimeve nga të gjitha qendrat e votimit dhe vendvotimeve.
