Parashikimi i motit për të shtunën dhe të dielën

Instituti Hidrometeorologjik i Kosovës (IHK) ka njoftuar se gjatë vikendit (2 dhe 3 nëntor 2024) do të mbajë mot me diell e me vranësira të pjesshme.

Të shtunën, më 02.11.2024, sipas IHK-së parashihet të mbajë mot me diell dhe vranësira të shpërndara.

Sipas IHK-së, në mëngjes nëpër ultësira parashihet të ketë mjegull.

“Temperaturat minimale do të lëvizin ndërmjet 0-3 gradë celsius, ndërsa maksimalet e ditës parashihen të lëvizin ndërmjet 15 deri 18 gradë celsius. Do të fryjë erë nga drejtimi i verilindjes me shpejtësi 1-3m/s”- thuhet në njoftimin e Institutit.

Kurse, të dielën, sipas IHK-së, parashihet të mbajë mot me diell dhe pjesërisht i vranët. Në mëngjes parashihet të krijohet mjegull e radiacionit.

Po sipas IHK-së, temperaturat minimale do të lëvizin ndërmjet 3-6 gradë celsius, ndërsa maksimalet e ditës parashihen të lëvizin ndërmjet 12-15 gradë Celsius.

Kurse do të fryjë erë e lehtë deri mesatare nga drejtimi i verilindjes.