Parashikimi i motit për të shtunën dhe të dielën, ulen temperaturat

Instituti Hidrometeorologjik i Kosovës ka bërë të ditur të ditur se gjatë vikendit, më  14 dhe 15 shtator 2024, do të mbajë mot kryesisht me shi dhe me temperatura të ulëta.

Të shtunën, më 14.09.2024, sipas IHMK-së, parashihet të mbajë mot i vranët dhe me intervale me diell. Moti do të përcillet me vranësira vende-vende, të cilat parashihet të sjellin riga shiu.

Sipas Institutit, temperaturat minimale do të lëvizin ndërmjet 9-11 gradë Celsius, ndërsa maksimalet e ditës parashihen të lëvizin ndërmjet 12-15 gradë Celsius. Do të fryjë erë kryesisht nga drejtimi i verilindjes me shpejtësi 1-5m/s.

Ndërsa të dielën, më 15.09.2024, sipas Institutit,  parashihet të mbajë mot kryesisht i vranët dhe me riga shiu të intensitetit mesatar deri të lartë. “Temperaturat minimale do të lëvizin ndërmjet 7-9 gradë celsius, ndërsa maksimalet e ditës parashihen të lëvizin ndërmjet 11-15 gradë celsius”- thuhet në njoftim.

Erërat do të fryjnë nga veriperëndimi me shpejtësi 1-7m/s.

Kurse sasitë e reshjeve, sipas IHMK-së, në disa zona do të jenë të larta në intervale të shkurta.