Paralajmërimet për mot të ligë, Komuna e Prishtinës apelon te qytetarët për kujdes

Drejtoria për Siguri dhe Emergjenca e Komunës së Prishtinës, u ka bërë apel qytetarëve për kujdes gjatë lëvizjeve pas paralajmërimeve për erëra të forta dhe reshje shiu pasditen e së hënës dhe të martën (10.09.2024).

“Sipas Institutit Hidrometeorologjik të Kosovës, sot pasdite dhe nesër gjatë gjithë ditës priten reshje shiu me intensitet të lartë, erëra të forta dhe shkarkime rrufesh, si dhe një ulje e ndjeshme e temperaturave”- thuhet në njoftim.

Duke pasur parasysh këto kushte, komuna ka bërë thirrje që qytëetarët të shmangin lëvizjet e panevojshme gjatë periudhave me mot të keq, të sigurojnë objektet e brishta apo të rrezikshme në oborret dhe ballkonet e tyre.

Respektoni udhëzimet e autoriteteve për sigurinë dhe shëndetin tuaj. Gjithashtu, ekipet e emergjencave të Kryeqytetit dhe zjarrfikësit  janë në terren për të siguruar ndihmë të menjëhershme në rast nevoje”- theksohet në këtë apel.