Pamje - Ligji për maskat nuk vlen për policinë!
17.8.2020 - 20:37
Disa zyrtarë të Policisë së Kosovës janë parë sot në një lokal në qytetin e Ferizajt, duke pirë kafe pa respektuar asnjë nga masat e caktuara nga Qeveria e Kosovës në luftën ndaj COVID-19.
Katër zyrtarët e Policisë shihen duke qëndruar ulur në një lokal dhe të njëjtit nuk i kanë të vendosura maskat.
Gjatë zbatimit të masave anti-COVID-19 të qeverisë së Kosovës jo rrallë Policia e Kosovës janë parë duke gjobitur qytetarët që janë hasur duke mos i respektuar masat.
Përveç gjobave, të shumta janë edhe rastet kur qytetarët janë arrestuar nga Policia në rastet kur të njëjtit janë hasur duke mos i respektuar masat anti-COVID-19.
Për më shumë mund t`i shikoni pamjet të cila i ka dërguar një kallxues në adresë të KALLXO.com.