PAMJE - Instituti i Mjekësisë Ligjore bartë trupat e pajetë nga Klinika e Infektivës
05.7.2020 - 11:32
Instituti i Mjekësisë Ligjore është parë duke bartur trupa të pacientëve të cilët dyshohen se kanë vdekur nga coronavirus, në Klinikën e Infektivës.
Ekipi i KALLXO.com i cili po qëndron në afërsi të Klinikës Infektive po raporton për bartjen e pacientëve të vdekur nga IML.
Vetëm sot sipas burimeve të KALLXO.com po dyshohen se kanë vdekur pesë persona nga COVID-19.
KALLXO.com vazhdimisht po raporton për ngjarjet të cilat po zhvillohen në Klinikën e Infektivës.
Kjo klinikë është rrethuar nga shiritat policor për shkak se po kryhen disa hetime nga ana e prokurorisë dhe Policisë së Kosovës.
Burimet e KALLXO.com kanë thënë se prezenca e policisë është për shkak të dyshimeve të vdekjes dhe funksionimin e aparaturave të oksigjenit.