Pamje Dogana në aksion pas raportimit të KALLXO.com për shitje të "Plazmave", të Serbisë
Pas një hulumtimi të bërë KALLXO.com ka zbuluar se në një market në Ferizaj shiten “Plazma”, të ardhura nga Serbia.
Pas raportimit të KALLXO.com, Dogana e Kosovës ka filluar gjatë ditës së sotme një akion për kontrollimin e mallit brenda këtij marketi në Ferizaj.
KALLXO.com ju sjell pamje gjatë kontrollit të zyrtarëve të Doganës së Kosovës brenda marketit në Ferizaj.
Zyrtarët e Doganës shihen duke bërë kontrollin e prejardhjes së pijeve, çokollatave, biskotave, dhe të gjithë mallit në market, por “Plazmat”, për të cilat kishte raportuar KALLXO.com, nuk gjenden brenda marketit.
Në fund të kontrollit, Zyrtarët e Doganës gjejnë disa paketime me çamçakëz, të cilat dyshohen të jenë mall i kontrabanduar, pasi që të njëjtat janë pa faturë.
Rreth 60 paketime me “Obrit”, konfiskohen nga Dogana e Kosovës, brenda marketit në Ferizaj.
KALLXO.com para disa ditwve ka publikuar amjet filmike që tregojnë se në dyqan shiten “Plazma” të prodhuar së fundmi pasi që taksa 100% me Serbinë ka hyrë në fuqi.
Filmimet dëshmojnë edhe skemën se si janë futur keksat në Kosovë.
Ekipi ka blerë një paketim në këtë market, por tek arka nuk ka pranuar kupon fiskal, pasi që pronari “Palzmat” nuk i kishte të dokumentuara si produkte.
Në videon e xhiruar nga ekipi i KALLXO.com mund të ndiqni kur pronari i marketit në Ferizaj e pranon se i mbanë ato produkte vetëm për klientët e tij të rregullt, dhe se të njëjtat i ka blerë në Shkup.
Pas disa orëve, pasi që ekipi ka blerë “Plazma”, në këtë market, është kthyer për të intervistuar pronarin e marketit, për të mësuar prejardhjen e biskotave të ardhura në Serbia.
I njëjti e ka pranuar se i posedon ato dhe se të njëjtat i ka blerë në Shkup, por nuk ka pranuar të flas para kamerës në lidhje me këto produkte.
Pronari i këtij marketi ka treguar se çmimi i “Plazmave”, të cilat i ka blerë në Shkup është 1 euro e 60 cent, ndërsa të njëjtat për klientët e tij i shet për 1 euro e 90 cent.
