Pal Lekaj - Foto: Facebook
Pal Lekaj: E pranojmë vendimin e Kushtetueses, pa marrë parasysh a na pëlqen a jo
Deputeti i Aleancës për Ardhmërinë e Kosovës, Pal Lekaj, ka thënë se partia e tij, e cila në koalicion qeverisës me LDK-në, e pranon vendimin e Gjykatës Kushtetuese për rrëzimin e qeverisë Hoti.
Kjo Gjykatë sonte nxori një vendim me të cilin e aprovoi ankesën e Grupit Parlamentar të Lëvizjes Vetëvendosje të cilët kontestuan votën e deputetit Etem Arifi.
“Ne nuk e komentojmë vendimin e Gjykatës Kushtetuese, si AAK e pranojmë vendimin, pa marrë parasysh a na pëlqen a jo”, ka thënë deputeti Lekaj për KALLXO.com.
Etem Arifi ishte dënuar me vendim të formës së prerë nga Gjykata e Apelit por i njëjti ishte certifikuar nga Komisioni Qendror Zgjedhor për zgjedhjet nacionale të vitit 2019.
Kushtetuesja shkarkon Qeverinë Hoti, shpall zgjedhjet e reja
www.kallxo.com