Pacolli: Askush nuk ka mundur e as nuk do të mund ta ndalë vullnetin e popullit

Deputetja e Lëvizjes Vetëvendosje, Fitore Pacolli, ka reaguar në Facebook pas publikimit të aktgjykimit të plotë nga Gjykata Kushtetuese për ligjshmërinë e zgjedhjes së Qeverisë Hoti.

Pacolli ka shkruar se “Askush nuk ka mundur e as nuk do të mund ta ndal vullnetin e popullit”.

“VVazhdojmë! QEVERIA KURTI II”, ka shkruar Pacolli.

Gjykata Kushtetuese e Kosovës e ka publikuar vendimin e plotë me të cilin e ka shpallur të jashtëligjshme zgjedhjen e Qeverisë Hoti.

Vendimin e plotë të Kushtetueses mund ta lexoni në këtë link.

Kujtojmë se me këtë vendim për të cilin u dha njoftimi më 21 dhjetor, u kërkua shpallja e zgjedhjeve të parakohshme brenda 40 ditëve.

Ndërkaq, u.d. presidentja Vjosa Osmani të hënën ka thënë se po e pret vendimin e plotë të Kushtetueses për të shpallur datën e zgjedhjeve.